藏傳佛教寧瑪巴大圓滿傳承仁增塔欽仁波切翻譯之「普賢圓滿如來祈願文」 歡迎下載
普賢圓滿如來祈願文ཀུན་ཏུ་བཟང་པོའི་སྨོན་ལམ།
ཧོཿ
吙!
སྣང་སྲིད་འཁོར་འདས་ཐམས་ཅད་ཀུན༔
能顯輪湼顯現皆
གཞི་གཅིག་ལམ་གཉིས་འབྲས་བུ་གཉིས༔
一根二道二成果
རིག་དང་མ་རིག་ཆོ་འཕྲུལ་ཏེ༔
明覺無明遊戲顯
ཀུན་ཏུ་བཟང་པོའི་སྨོན་ལམ་གྱིས༔
普賢圓滿祈願予
ཐམས་ཅད་ཆོས་དབྱིངས་ཕོ་བྲང་དུ༔
悉全法界宮殿中
མངོན་པར་རྫོགས་ཏེ་འཚང་རྒྱ་ཤོག༔
正覺圓滿願成佛
ཀུན་གྱི་གཞི་ནི་འདུས་མ་བྱས༔
咸全本基無為法
རང་བྱུང་ཀློང་ཡངས་བརྗོད་དུ་མེད༔
自顯性寬無可言
འཁོར་འདས་གཉིས་ཀའི་མིང་མེད་དོ༔
輪湼兩者無立名
དེ་ཉིད་རིག་ན་སངས་རྒྱས་ཏེ༔
此性悟視覺綻佛
མ་རིག་སེམས་ཅན་འཁོར་བར་འཁྱམས༔
無明有情輪迴漂
ཁམས་གསུམ་སེམས་ཅན་ཐམས་ཅད་ཀྱིས༔
三界心俱悉全引
བརྗོད་མེད་གཞི་དོན་རིག་པར་ཤོག༔
無言究竟願明視
ཀུན་ཏུ་བཟང་པོ་ང་ཉིད་ཀྱང་༔
普賢圓滿吾亦然
རྒྱུ་རྐྱེན་མེད་པ་གཞི་ཡི་དོན༔
因緣無有慧性義
དེ་ཉིད་གཞི་ལས་རང་བྱུང་རིག༔
此乃慧性自然視
ཕྱི་ནང་སྒྲོ་སྐུར་སྐྱོན་མ་བཏགས༔
外內誇謗無掛缺
དྲན་མེད་མུན་པའི་དྲི་མ་གོས༔
無念黑暗無染垢
དེ་ཕྱིར་རང་སྣང་སྐྱོན་མ་གོས༔
故而自顯缺瑕無
རང་རིག་སོ་ལ་གནས་པ་ལ༔
本覺慧智安住此
སྲིད་གསུམ་འཇིག་ཀྱང་དངངས་སྐྲག་མེད༔
三界滅亦無恐懼
སྣང་སེམས་གཉིས་སུ་མེད་པ་ལ༔
顯心無二無別然
འདོད་ཡོན་ལྔ་ལ་ཆགས་པ་མེད༔
妙欲五者無貪執
རྟོག་མེད་ཤེས་པ་རང་བྱུང་ལ༔
無念識自然此謂
གདོས་པའི་གཟུགས་དང་དུག་ལྔ་མེད༔
質體色及無五毒
རིག་པའི་གསལ་ཆ་མ་འགགས་པ༔
本覺明燦無滅性
ངོ་བོ་གཅིག་ལ་ཡེ་ཤེས་ལྔ༔
本質一體五智慧
ཡེ་ཤེས་ལྔ་བོ་སྨིན་པ་ལས༔
元智五者熟開因
ཐོག་མའི་སངས་རྒྱས་རིགས་ལྔ་བྱུང་༔
肇首覺綻五佛顯
དེ་ལས་ཡེ་ཤེས་མཐའ་རྒྱས་པས༔
此內元慧增廣濶
སངས་རྒྱས་བཞི་བཅུ་རྩ་གཉིས་བྱུང་༔
寂佛四十二顯現
ཡེ་ཤེས་ལྔ་ཡི་རྩལ་ཤར་བས༔
元慧五智顯然以
ཁྲག་འཐུང་དྲུག་ཅུ་ཐམ་པ་བྱུང་༔
飲血六十怒尊顯
དེ་ཕྱིར་གཞི་རིག་འཁྲུལ་མ་མྱོང་༔
故而元覺未曾幻
ཐོག་མའི་སངས་རྒྱས་ང་ཡིན་པས༔
本初覺綻佛即吾
ང་ཡི་སྨོན་ལམ་བཏབ་པ་ཡིས༔
吾之祈禱發願予
ཁམས་གསུམ་འཁོར་བའི་སེམས་ཅན་གྱིས༔
三界輪迴眾生之
རང་བྱུང་རིག་པ་ངོ་ཤེས་ནས༔
自顯本覺明認然
ཡེ་ཤེས་ཆེན་པོ་མཐའ་རྒྱས་ཤོག༔
智慧廣大願增長
ང་ཡི་སྤྲུལ་པ་རྒྱུན་མི་ཆད༔
吾之化現續不竭
བྱེ་བ་ཕྲག་བརྒྱ་བསམ་ཡས་འགྱེད༔
百俱胝無量化顯
གང་ལ་གང་འདུལ་སྣ་ཚོགས་སྟོན༔
任孰所需應機現
ང་ཡི་ཐུགས་རྗེ་སྨོན་ལམ་གྱིས༔
吾之大悲祈願予
ཁམས་གསུམ་འཁོར་བའི་སེམས་ཅན་ཀུན༔
三界輪迴諸有情
རིགས་དྲུག་གནས་ནས་འཐོན་པར་ཤོག༔
六道趣內願永離
དང་པོ་སེམས་ཅན་འཁྲུལ་པ་རྣམས༔
首初眾生諸幻想
གཞི་ལ་རིག་པ་མ་ཤར་བས༔
元上
本覺未燦故
ཅི་ཡང་དྲན་མེད་ཐོམ་མེ་བ༔
無有念想昏呆然
དེ་ཀ་མ་རིག་འཁྲུལ་པའི་རྒྱུ༔
此乃無明幻惑因
དེ་ལ་ཧད་ཀྱིས་བརྒྱལ་བ་ལས༔
此種愕然昏迷中
དངངས་སྐྲག་ཤེས་པ་ཟ་ཟིར་འགྱུས༔
恐念心識矇矓起
དེ་ལས་བདག་གཞན་དགྲར་འཛིན་སྐྱེས༔
此內吾他敵執生
བག་ཆགས་རིམ་གྱིས་བརྟས་པ་ལས༔
習氣漸次增長以
འཁོར་བ་ལུགས་སུ་འཇུག་པ་བྱུང་༔
輪迴流轉之所生
དེ་ལས་ཉོན་མོངས་དུག་ལྔ་རྒྱས༔
而後五毒煩惱增
དུག་ལྔའི་ལས་ལ་རྒྱུན་ཆད་མེད༔
五毒業續無斷竭
དེ་ཕྱིར་སེམས་ཅན་འཁྲུལ་པའི་གཞི༔
故而有情幻想根
དྲན་མེད་མ་རིག་ཡིན་པའི་ཕྱིར༔
無念無明即為是
སངས་རྒྱས་ང་ཡི་སྨོན་ལམ་གྱིས༔
覺綻吾佛願力引
ཀུན་གྱིས་རིག་པ་རང་ཤེས་ཤོག༔
咸皆本覺願認曉
ལྷན་ཅིག་སྐྱེས་པའི་མ་རིག་པ༔
自然產生之無明
ཤེས་པ་དྲན་མེད་ཡེངས་པ་ཡིན༔
心識無念呆愣是
ཀུན་ཏུ་བརྟགས་པའི་མ་རིག་པ༔
所取代之無明謂
བདག་གཞན་གཉིས་སུ་འཛིན་པ་ཡིན༔
吾他二者執著即
ལྷན་སྐྱེས་ཀུན་བརྟགས་མ་རིག་གཉིས༔
自生取代二無明
སེམས་ཅན་ཀུན་གྱི་འཁྲུལ་གཞི་ཡིན༔
有情咸幻根即是
སངས་རྒྱས་ང་ཡི་སྨོན་ལམ་གྱིས༔
覺綻吾佛願力引
འཁོར་བའི་སེམས་ཅན་ཐམས་ཅད་ཀྱི༔
輪迴心俱諸眾生
དྲན་མེད་འཐིབས་པའི་མུན་པ་སངས༔
無念倏暗皆消散
གཉིས་སུ་འཛིན་པའི་ཤེས་པ་དྭངས༔
二者執著識清淨
རིག་པའི་རང་ངོ་ཤེས་བར་ཤོག༔
本覺本智願認曉
གཉིས་འཛིན་བློ་ནི་ཐེ་ཚོམ་སྟེ༔
二執念頭疑惑即
ཞེན་བ་ཕྲ་མོ་སྐྱེས་པ་ལས༔
貪著微細所生引
བག་ཆགས་འཐུག་པོ་རིམ་གྱིས་བརྟས༔
習氣厚重漸次增
ཟས་ནོར་གོས་དང་གནས་དང་གྲོགས༔
食衣財及處與友
འདོད་ཡོན་ལྔ་དང་བྱམས་པའི་གཉེན༔
五妙欲及柔親友
ཡིད་འོང་ཆགས་པའི་འདོད་པས་གདུངས༔
悅意戀生貪窘迫
དེ་དག་འཇིག་རྟེན་འཁྲུལ་པ་སྟེ༔
此乃滅依及幻覺
གཟུང་འཛིན་ལས་ལ་ཟད་མཐའ་མེད༔
境執二業無窮盡
ཞེན་པའི་འབྲས་བུ་སྨིན་པའི་ཚེ༔
貪婪果報盛熟時
སྐམ་ཆགས་གདུང་བའི་ཡི་དྭགས་སུ༔
婪心窘迫餓鬼道
སྐྱེས་ནས་བཀྲེས་སྐོམ་ཡ་རེ་ང་༔
生受饑渴極可憐
སངས་རྒྱས་ང་ཡི་སྨོན་ལམ་གྱིས༔
覺綻吾佛祈願引
འདོད་ཆགས་ཞེན་པའི་སེམས་ཅན་རྣམས༔
貪婪執著諸眾生
འདོད་པའི་གདུང་བ་ཕྱིར་མ་སྤངས༔
婪心窘迫未捨離
འདོད་ཆགས་ཞེན་པ་ཚུར་མ་བླངས༔
貪婪執著勿取致
ཤེས་པ་རང་སོར་གློད་པ་ཡིས༔
心識自然鬆坦以
རིག་པ་རང་སོ་ཟིན་གྱུར་ནས༔
本覺自然明認之
ཀུན་རྟོག་ཡེ་ཤེས་ཐོབ་པར་ཤོག༔
願得念轉觀察智
ཕྱི་རོལ་ཡུལ་གྱི་སྣང་བ་ལ༔
外在對境顯現時
འཇིགས་སྐྲག་ཤེས་པ་ཕྲ་མོ་འགྱུས༔
怖畏思想微渺動
སྡང་བའི་བག་ཆགས་བརྟས་པ་ལས༔
瞋恨習氣漸增故
དགྲར་འཛིན་བརྡེག་གསོད་ཧྲག་པ་སྐྱེས༔
執敵打殺粗心生
ཞེ་སྡང་འབྲས་བུ་སྨིན་པའི་ཚེ༔
瞋心果報盛熟時
དམྱལ་བའི་བཙོ་བསྲེག་སྡུག་རེ་བསྔལ༔
地獄熬燒痛苦難
སངས་རྒྱས་ང་ཡི་སྨོན་ལམ་གྱིས༔
覺綻吾佛祈願引
འགྲོ་དྲུག་སེམས་ཅན་ཐམས་ཅད་ཀྱི༔
六道有情諸眾生
ཞེ་སྡང་དྲག་པོ་སྐྱེས་པའི་ཚེ༔
瞋心猛烈生起時
སྤང་བླང་མི་བྱ་རང་སོར་གློད༔
取捨勿作自然鬆
རིག་པ་རང་སོ་ཟིན་གྱུར་ནས༔
本覺元位認追而
གསལ་བའི་ཡེ་ཤེས་ཐོབ་པར་ཤོག༔
願燦元慧明鏡智
རང་སེམས་ཁེངས་པར་གྱུར་པ་ལས༔
自心驕脹生起時
གཞན་ལ་འགྲན་སེམས་སྨད་པའི་བློ༔
予他爭謗之思想
ང་རྒྱལ་དྲག་པོའི་སེམས་བསྐྱེད་པས༔
傲慢強猛所生起
བདག་གཞན་འཐབ་རྩོད་སྡུག་བསྔལ་སྤྱོད༔
自他爭戰苦難行
ལས་དེའི་འབྲས་བུ་སྨིན་པའི་ཚེ༔
業此果報盛熟際
འཕོ་ལྟུང་མྱོང་བའི་ལྷ་རུ་སྐྱེ༔
預知墮受天神誕
སངས་རྒྱས་ང་ཡི་སྨོན་ལམ་གྱིས༔
覺綻吾佛願力引
ཁེངས་སེམས་སྐྱེས་པའི་སེམས་ཅན་རྣམས༔
碰心衍生諸情識
དེ་ཚེ་ཤེས་པ་རང་སོར་གློད༔
此時心識自然鬆
རིག་པ་རང་སོ་ཟིན་གྱུར་ནས༔
本覺自然認追致
མཉམ་པ་ཉིད་ཀྱི་དོན་རྟོགས་ཤོག༔
平等性義願獲得
གཉིས་འཛིན་བརྟས་པའི་བག་ཆགས་ཀྱིས༔
二執增長習氣引
བདག་བསྟོད་གཞན་སྨོད་ཟུག་རྔུའི་ལས༔
己讚毀他刺痛業
འཐབ་རྩོད་འགྲན་སེམས་བརྟས་པ་ལས༔
戰鬥互競增長故
གསོད་གཅོད་ལྷ་མིན་གནས་སུ་སྐྱེ༔
殺生阿修羅境生
འབྲས་བུ་དམྱལ་བའི་གནས་སུ་ལྟུང་༔
果報地獄境域墮
སངས་རྒྱས་ང་ཡི་སྨོན་ལམ་གྱིས༔
覺綻吾佛願力引
འགྲན་སེམས་འཐབ་རྩོད་སྐྱེས་པ་རྣམས༔
競心戰鬥諸眾生
དགྲར་འཛིན་མི་བྱ་རང་སོར་གློད༔
執敵不為自然鬆
ཤེས་པ་རང་སོ་ཟིན་གྱུར་ནས༔
心識本位追獲後
ཕྲིན་ལས་ཐོགས་མེད་ཡེ་ཤེས་ཤོག༔
成所作義願獲得
དྲན་མེད་བཏང་སྙོམས་ཡེངས་པ་ལས༔
無念無記散亂故
འཐིབས་དང་རྨུགས་དང་བརྗེད་པ་དང་༔
昏沈極具與忘失，
བརྒྱལ་དང་ལེ་ལོ་གཏི་མུག་པས༔
慢及懈怠癡心引
འབྲས་བུ་སྐྱབས་མེད་བྱོལ་སོང་འཁྱམས༔
果報無依傍生漂
སངས་རྒྱས་ང་ཡི་སྨོན་ལམ་གྱིས༔
覺綻吾佛願力引
གཏི་མུག་བྱིང་པའི་མུན་པ་ལ༔
癡心之中墮黑暗
དྲན་པ་གསལ་བའི་མདངས་ཤར་བས༔
正念明燦戲𥚃生
རྟོག་མེད་ཡེ་ཤེས་ཐོབ་པར་ཤོག༔
法界體性義願獲
ཁམས་གསུམ་སེམས་ཅན་ཐམས་ཅད་ཀུན༔
三界有情悉全而
ཀུན་གཞི་སངས་རྒྱས་ང་དང་མཉམ༔
藏識如來我平等
དྲན་མེད་འཁྲུལ་པའི་གཞི་རུ་སོང་༔
無念幻術根趣入
ད་ལྟ་དོན་མེད་ལས་ལ་སྤྱོད༔
現今無義事行持
ལས་དྲུག་རྨི་ལམ་འཁྲུལ་པ་འདྲ༔
六業夢境猶幻想
ང་ནི་སངས་རྒྱས་ཐོག་མ་ཡིན༔
吾即覺綻佛元初
འགྲོ་དྲུག་སྤྲུལ་པས་འདུལ་བའི་ཕྱིར༔
六道化現為渡脫
ཀུན་ཏུ་བཟང་པོའི་སྨོན་ལམ་གྱིས༔
普賢圓滿願力以
སེམས་ཅན་ཐམས་ཅད་མ་ལུས་པ༔
一切有情咸無遺
ཆོས་ཀྱི་དབྱིངས་སུ་འཚང་རྒྱ་ཤོག༔
法界性內願成佛
ཨ་ཧོཿ
阿吙
ཕྱིན་ཆད་རྣལ་འབྱོར་སྟོབས་ཅན་གྱིས༔
未來諦悟力量予
འཁྲུལ་མེད་རིག་པ་རང་གསལ་ནས༔
無幻本覺明燦以
སྨོན་ལམ་སྟོབས་ཅན་འདི་བཏབ་པས༔
祈願力量俱即發
འདི་ཐོས་སེམས་ཅན་ཐམས་ཅད་ཀུན༔
此聞有情眾咸全
སྐྱེ་བ་གསུམ་ནས་མངོན་འཚང་རྒྱ༔
三生之中明證佛
ཉི་ཟླ་གཟའ་ཡིས་ཟིན་པའམ༔
日月星宿蝕蔽或
སྒྲ་དང་ས་གཡོས་བྱུང་བའམ༔
響及大地動搖或
ཉི་མ་ལྡོག་འགྱུར་ལོ་འཕོ་དུས༔
太陽轉至跨年際
རང་ཉིད་ཀུན་ཏུ་བཟང་པོར་བསྐྱེད༔
己身普賢圓滿觀
ཀུན་གྱིས་ཐོས་པར་འདི་བརྗོད་ན༔
悉數聽聞諷誦言
ཁམས་གསུམ་སེམས་ཅན་ཐམས་ཅད་ཀུན༔
三界有情悉盡數
རྣལ་འབྱོར་ང་ཡི་སྨོན་ལམ་གྱིས༔
諦悟吾之祈願予
སྡུག་བསྔལ་རིམ་གྱིས་གྲོལ་ནས་ཀྱང་༔
痛苦次第皆淨化
མཐའ་རུ་སངས་རྒྱས་ཐོབ་པར་ཤོག༔
究竟覺綻佛願成
持明新譯於2015年12月22日冬至
文章標籤
全站熱搜
留言列表
