深度西藏旅遊 / 藏傳佛教 持明 仁增塔欽✨晨曦霧散明燦✨

༼མཛེས་མའི་ལུས་སྦྱིན་ལ་བསྔགས་པ།༽📸Wechat 平台🌅

མཛེས་མ་མཛངས་མའི་བརྩེ་དགའི་ལང་ཚོ་དང་།།

འཇིག་རྟེན་སྐྱིད་པའི་ཕུན་ཚོགས་ཡིད་འོང་གིས།།

མགྲོན་དུ་མ་ཁུག་ལྔ་ལམ་སོང་བ་ཡི།།

སྒེག་མོ་དག་པའི་ཞིང་ལ་སྐྱེ་བར་ཤོག།།

མེ་ཏོག་བཟང་པོའི་ངད་བསུང་འཐུལ་བ་དང།།

དྲི་རོ་ཞིམ་པའི་ཚོར་བ་དངར་སྐྱུར་བ།།

ཆུ་ཤེལ་བདུད་རྩི་འཛགས་པའི་ཟླ་བ་དང་།།

ཉི་འོད་ལ་སོགས་དོར་ནས་ནས་འགྲོ་དགོས་སོང་།།

སྲིད་པའི་ཕུན་ཚོགས་སྟོང་པར་མ་བསླབས་ལ།།

སྣང་བའི་རྫུན་ཕུག་ཤེས་ཡོད་མ་སྨྲས་ཀྱང་།།

གཅེས་འཛིན་ལུས་པོའི་དོན་ལྔ་སྣོད་དྲུག་ལས།།

བཟང་ཚད་ཡག་ཚད་སྦྱིན་པ་གཏོང་འདི་རྨད།།

ཕྱི་དབུགས་སྐྱ་མོ་ཁྲོག་གིས་ཆད་པའི་རྗེས།།

ནང་དབུགས་དྲོན་མོའི་ཕྲ་རྒྱུན་བཞག་མ་ཐག།

རྣམ་ཤེས་སྙིང་དཀྱིལ་བརྒྱལ་བའི་དུས་ཤད་ལ།།

འགྱོད་མེད་སྤོབས་པས་སྦྱིན་པ་བྱས་འདི་རྨད།།

རི་ནས་གྲོང་ལ་ལྷགས་ཏེ་སྨན་དཔྱད་ཁྲོམ་ཤེར་གྱི་ལམ་ཀ་ནས་རྒྱ་ཀོང་རིག་འཛིན་མཐར་ཕྱིན་ནས་ཚོར་བ་རྣོན་པོ་ཞིག་གིས་བྲིས།

持明仁增塔欽

2021年9月4日